Armanistonda NAN brendi ostidagi Nestlé bolalar ovqatining 9,7 tonnasi xavfli deb topilib, yoʻq qilindi.
Mahsulot Rossiyadan olingan laboratoriya tahlillari natijalariga asosan xavfli deb baholangan.
Tekshiruvlar davomida quruq, tez eruvchi, sutli va sut-kislotali bolalar ovqati tarkibida xavfli sereulid toksini boʻlishi mumkinligi aniqlangan. U organizmga tushganda qayt qilish, ich ketishi kabi alomatlarni keltirib chiqarishi mumkin.
Maʼlumot uchun, 2026 yil yanvar oyida Nestlé Rossiyada bolalar uchun moʻljallangan ayrim quruq sut va davolovchi aralashmalar partiyasini ixtiyoriy ravishda bozordan qaytarib olgan edi.
Bu qaror tashqi yetkazib beruvchidan kelgan xomashyoda ham sereulid toksini boʻlishi ehtimoli bilan izohlangan.
